Paano Kumita ng Pera Sa Internet 2021: Can I Still Make Money Online Even If I Just Started Today?

Gusto Kong MagkaperaOnline Starting 2021: Can I Still Make Money Online Even If I Just Started Today?

 Nakarating ka sa site na ito dahil gusto mong malaman kung paano kumita ng pera online. Ganyan din ako.gusto kong matuto ng maraming paraan para yumaman at umpisa pa lang ang lahat ng ito. May konti na rin akong nalalaman kung paano kumita ng pera online simula noong 2016 pero ngayong 2021 ko lang ito susubukan. At inaanyayahan kitang samahan mo ako sa eksperimentong ating gagawin at tutuklasin natin kung totoo nga bang may nagkakapera dahil sa pagba-blog online.

Totoo nga kayang may mga taong kumikita ng pera online? Kung mayroon man ay hindi pa ba huli ang lahat upang sila ay ating tularan?

Yan ang katanungan na gusto ko ring masagot sa pamamagitan ng “personal experience” kumpara sa pakikinig at pagbabasa lang batay sa karanasan ng ibang tao. Marami na rin akong nabasang mga blog na nagsasabi kung paano sila nag umpisang maging blogger through passion and then later on ay kanila nang naging full time income source. Katulad ni Michael Arrington na isa sa pinakamalaki ang nakukuhang salapi dahil sa pagblog.
Malaking tulong ito para sa mga nag-uumpisa pa lang sa blogging tulad ko. In fact ito ang aking pinaka-first blog kaya pagpasensyanhan nyo na po kung mayrong mali mali sa aking pagsusulat at sentence construction.

Para sa akin, malaki ang paniniwala kong “walang imposible” kahit sa anong bagay. Mapa sa teknolohiya man yan, kakayahan ng isang tao or supernatural na pangyayari man. Tulad na lang noong bata pa ako, naalala ko nung nakikinig ako ng radyo at mainit sa balita ang topic tungkol sa telepono na kahit san ka magpunta at walang kable ng telepono ay pwede kang makipag usap sa ibang tao saan man sila naroon. Marami ang nagsabi na hindi ito mangyayari dahil wala itong logical na basehan. Marami ang nangutya sa ideyang ito ngunit lahat ng taong yun kung buhay man sila ngayon at may sariling cellphone, ay siguradong mapapangiti kung gugunitain ang nakaraan. Dito ko naisip na posibleng mangyari ang lahat ng bagay kaya huwag kang mawalan ng pag-asa na huli na ang lahat para simulan ang paggawa ng paraan para kumita ng pera online. Kung iniisip mo namang nahuli na tayo at baka walang makapansin ng ating isusulat, ay isipin mo na lang na ikaw ang pinaka-main event na pinakahihintay ng mga readers. Hindi naman malaking basehan kung ngayon lang tayo nag umpisa. Ang importante naman sa mga mambabasa ay kung may sense ba ang yong pinagsusulat. Patok ba ito sa masa at naaayon ba ito sa panahon? Totoo ba ang nilalaman ng iyong blog at makakatulong nga ba ito?  Kung ang sagot mo ay oo, go lang ng go.

Sino ang pwedeng sumubok nito?

Hindi naman kailangan na isa kang graduate or may  mataas na pinag-aralan para kumita ng pera online.Hindi rin required na dapat bata o matanda or may specific age and gender para magsulat ng articles. Ang pagblog ay impartial privilege na open sa lahat ng gustong sumubok. Nakakatakot lang kasing isipin kung minsan na isapubliko ang iyong mga nalalaman tapos baka hindi mo kayanin ang pagpapatuloy or baka pagtawanan ka ng ibang tao, lalo na yung mga nakakakilala sayo. Lalo na kung iisipin mong hindi ka magaling or kung baka madagdagan pa ang responsibilidad mo at kung anu- ano pang negatibong bumabalot sa yong isip. Huwag kang padaig dito dahil mga takot lang ito na kumokontrol sayo. Parang ako ngayon na bago lang pero sige lang ng sige. We learn as we go kaya dapat lang na i-try natin para malaman natin kung talagang naangkop ba ito para sa atin o hindi. Tulad na lang ng pagblog, basta alam mo kung ano ang pinagsasabi mo sa blog mo at talagang ito ay may basehan lalo na kung ito ay may kinalaman sa mga research ng mga bagay or proven at effective kung sakali namang ang topic mo ay mga gamot or exercise, pwedeng pwede. Kahit pa nga isa kang bata na marunong sa larong Luksong baka or Chinese Garter at ang tinuturo mo ay ang paglalaro, pwede rin. Pwede ka rin kasing maging coach online kung marunong ka sa isang field of study. Basta ang punto ko dito ay pwedeng magwork online ang kahit sino, mahirap o mayaman , may pinag-aralan o wala, basta ang importante ay  kayang magdala, mapursige, open minded at may pagtitiis.

Bakit mo naman gustong magkapera?

Ano ba namang klaseng tanong yan. Marahil yan ang naiisip nyo ngayon. Syempre, kailangan ng bawat tao ang pera para matustusan ang kanilang pang araw araw na pangangailangan. Pangkain-pera.Pambili ng gatas ni baby, pera. Panload-pera. Pangbayad ng mga bills-pera. Pamasahe-pera. Lahat na yata ng bagay ay kailangan mo ng pera. Para mapansin ka ng crush mo dapat may pera ka. Para makapagdate kayo. Makapanood ng sine at kung ano ano pang ibang bagay na kaya mong maisip na kailangang palitan ng pera. Dagdag pa diyan ang pambayad natin sa ating mga utang. Ganyan kaimportante ang pera sa buhay ng isang tao. Naalala ko tuloy yung lyrics ng kanta ng Shakol na “Kung wala kang pera ay wala ka ring kaibigan.” Kahit ganyan kahalaga ang pera ay tandaan pa rin natin na ito ay isang gamit lang at hindi ito ang pinakaprioridad na dapat nating isipin.May mas mahalaga pa dito.

Ano anong paraan ang pwedeng gawin para kumita online ng walang investment or inilalabas na pera?

Since baguhan pa lang tayo ay mas magandang pagtuunan muna natin ang mga paraang hindi kailangan ng investment. Sa isang negosyo kasi ay kailangan talaga ng investment para ito ay lumago. Sa totoo lang ay walang libreng paraan para kumita ng pera online. Lahat ng ways on how to make money online ay kailangan ng kapalit. Hindi man pera ang magiging investment natin dito, ngunit ang ating galing at kasama na rin ang oras, sipag at tiyaga.

Narito ang ilang pamamaraan na hindi ka maglalabas ng pera.

1. Blogging. Gaya nga ng nasabi ko sa umpisa,  baguhan rin lang ako at gusto kong pagblog ang aking pamamaraan para makapag ipon ng pera online. Sa blogging batay na rin sa aking research, ay may libre at may kailangan magbayad ng pera bago makagawa ng blog. Kailangan mo kasi ng damain name at webhost sa paggawa ng blog. Lahat ng mga ito ay nangangailangan ng pera para mapa sa iyo. Ang domain name ang lumalabas or tinatype mo sa search engine para pumunta sa isang website. Ito yung may www at .com tulad na lang ng www.facebook.com at www.youtube.com. Ang webhost naman ang siyang nagbibigay buhay sa iyong domain name para manatili sa internet. Maihahambing ito sa lupa kung saan mo itatayo ang iyong bahay o website at kung walang lupa (webhost) ay walang pundasyon ang bahay (website). Bilang naguumpisa at nageeksperimento ay pinili ko muna ang paggamit ng libreng platform. Maraming libreng platform ngayon na kasama na ang free webhosting at domain name pero mas magandang stick to the tested and biggest companies gaya ng blogger,wordpress,tumbler,weebly at marami pang iba.

Si Michael Arrington- isa sa
pinakamalaki ang nakukuhang
pera sa pagblog.

Ganito ang sistema ng pagkita ng pera through blogging. Napakaraming surfers ng internet ngayon pati na rin dito sa PIlipinas ay parami ng parami ang nagiging online surfing addicts. Sa isang industry na marami ang kalahok ay expect mo na rin na marami ang gustong magpromote ng kanilang business products or services. Sa internet kasi ay maraming mga big advertisers ang nag oofer ng pera sa mga sikat na website para magpatalastas ng kanilang product or service na gusto nilang i open sa mga tao. Gaya na lang ng facebook at youtube. Bago pa mag play ang video sa youtube na pinili mong panoorin ay may patalastas muna or pag open mo ng FB ay may mga picture ng McDonald French Fries. Ang company na nagpo-promote ng kanyang product through commercial ay nagbabayad sa youtube at FB para lang dito. Sa ganyang paraan pa lamang ay kumikita na ang may ari ng website maliban pa sa iba. Ganyan din ang ideya sa paggawa ng blog. Kung sikat na ang iyong blog dahil maraming readers nito everyday ay mataas ang traffick. At kung mataas ang traffick ay makakahikayat ito ng mga advertising companies para mag offer ng posting fee para sa website mo.

Ang ginagamit ko ngayon ay Blogger na pag aari ng google. Libre ang paggamit dito at pwede ka pang kumita ng pera. Ang kagandahan pa rito ay searchable sa search engine ng google dahil nga pag aari nila ito. Ang dis-advantage lang ng paggamit ng mga libreng platform ay hindi 100% ang iyong kakayahan para i-manage ito. Dahil nakikigamit ka lang, kung may naviolate ka sa kanilang terms and condition ay pwede nilang idelete ang iyong blog or post o di naman kaya ay mablack list ka at di mo na magamit ang pinaghirapan mong page. Kaya dapat ka ring maging mautak tulad na lang ng palaging may copy ang iyong blog sa iyong hard drive or usb para in case na madelete man ito, atleast pwede mo parin itong i-revive in the future. Isa pang di kagandahan ay hindi ikaw ang pipili kung anong klaseng ads ang pwede mong ilagay sa yong blogpost. Ang free webhosting company (tulad ng blogger) na ang bahalang pipili ng ads na babagay sa tema ng blog mo.

Para makapag simula ka today kung gusto mo ring subukang magblog ay:

• Gumawa ka ng gmail address account mo. 
•  Pumunta ka sa www.Blogger.com. Hindi mo na kailangang magregister sa blogger dahil pinag isa na nila ang paggamit ng blogger at gmail address.
• Mag-isip ka ng magandang domain name na catchy or nakakakuha ng attensyon tulad ng www.blogger.com or www.youtube.com . Basta anong maisip mong mabenta sa mga online surfers at dapat madaling tandaan. Kung hindi ito nagreregister sa blogger ibig sabihin ay hindi ito pwede ot mayroon nang nakakuha nito. Try lang ng try ng bago until makaregister.
• Pagkatapos ay Pumili ng libreng theme na sa tingin mo ay maganda at naayon sa iyong blog. 
•  Panghuli ay pwede ka ng magsulat ng mga mahahalagang impormasyon tungkol sa iyong napiling niche or topic. Kung pipili ka ng isang niche ay mas maganda yung mayroon ka nang kontin nalalaman para hindi ka na mahirapan pa sa pagresearch. Mas maganda ring piliin mo yung may passion ka talaga dito para hindi ka madaling magsawa. Or kung kaya mo naman at jack of all trades ka ay pwede rin ang multiple niches basta i-organize mo lang ito para hindi malito ang mga readers mo. Ang iba’t-ibang klase ng niches ay tulad ng fashion, money, legal matter, technology at food.

2. Affiliate Marketing. Ang isang kumpanyang nagbebenta ng serbisto at produkto ay nangangailangan ng mga buyers para kumita. Lalo na yung may mga bagong launch na produkto or service na gusto nilang ipagbili sa mga tao. Ngunit paano na lang kung ang kanilang produkto ay hindi sikat sa isang lugar or wala pang nakaka alam nito kahit gaano katindi ang quality nito? Siyempre malulugi ang negosyo at babagsak ito. Ito ang iniiwasan ng most of companies today kaya marami sa kanila ang kumukuha ng third party para magsilbing katulong nila sa pagpapalago ng negosyo. Ganito ang role ng isang affiliate marketer, ang pagiging third party. Sa kalakalan, may nagbebenta or manufacturer at may tagabili or consumer.   Problema ng mga seller or manufacturer ang kakulangan ng kanilang manpower para i-distribute or ipromote ang kanilang service or product sa mga consumer. Kaya naghahanap sila ng pwedeng maging affiliate marketer na kanilang makakatulong sa paglathala ng kanilang product.

Best Business Partners

Ang affiliate marketing ay isang napakaepektib na paraan para kumita ng pera online. Ito ang pagbebenta ng produkto ng ibang tao or kumpanya sa mga consumer. Ang magiging role mo dito ay middle man ng mga konsumer at producers.At sa bawat item or service na napagbentahan ng manufacturer dahil sa tulong mo bilang affiliate marketer, may percentage commission kang makukuha.Maliban sa proven na effective ay 100% na ito ay legitimate job online. Hindi mo kailangan ng malaking kapital para makapag umpisang maging affiliate marketter. Magiging passive income din ang kita dito dahil kahit tulog ka at wala ka sa harap ng computer mo ay gumagana pa rin ito 24/7. Hindi ito katulad sa traditional na buy and sell business na kailangan mo munang bilhin at bayaran ang mga produkto bago mo ito maibenta sa mas mataas na presyo na higit sa lahat ay kailangang binabantayan literaly.
Ang gawain ng affiliate ay magpromote, mag-introduce at magrefer ng product  sa mga tao. Kaibigan, kamag-anak, workmate or neighbors. Bahala na si Manufacturer na mang-salestalk sa mga prospect consumers na nirefer mo sa kanilang service or product. Ang halimbawa nito ay ang mga agent na nagbebenta ng mga lupa’t bahay. Porsyentuhan ang kanilang kita sa bawat successful na transaction. Mas madali itong gawin online kumpara in the real world na mas hustle.

Paano naman natin ito gagawin? 

• Ang unang step ay maghanap at kumilatis ng mga service or product providers online na nag o-offer ng affiliate marketing. Bisitahin ang kanilang website at i search kung ano ang positive at negative reviews ng kanilang product. Pati ang pay out system ay dapat mo ring i-check ang reviews para malaman mo kung nagbabayad ba ito ng tama at legal sa kanilang affiliate partners.

• Kung gusto mo talagang kilatisin at may eksta pera ka ay subukang i-try ang kanilang product kung safe ba ito at effective. Kung tingin moy legal, effective at quality product, pwede kang mag apply na affilate marketer through their website.

• Kung approved na ang iyong application bilang isang affiliate, mabibigyan ka ng sariling ID number. Mostly ay Link iyan na kanilang gagamitin para itrack kung saan galing ang traffick na napunta sa kanilang website na bumili ng kanilang product. Iyan din ang basehan ng kung kanino mapupunta ang payment (porsiyento ng kita)  na ibibigay sa kung sino mang affiliate ang nagrefer ng kanilang successful lead. Didirestso ang payment na ito sa account ng affiliate na may ari ng link ID na ito.

• Ngayon, pwede mong gamitin mo ang Link na ito kung sakaling gumawa ka ng review blog ng produkto kung saan isa kang affiliate marketter para kumita ng pera.  Halimbawa na lang,ay ang pagsulatng  review blog ng isang brand ng sapatos. Pwede rin ang review blog ng bagong labas na modelo ng smartphone,apple phone or Iphone. Gawan mo ito ng pros and cons sa pamamagitan ng blog at pwede itong ipost sa facebook at sa blogger or personal website mo. Kung sino man ang makabasa  nito at sakaling nagustuhan at binili ang produktong dahil na rin sa information na binigay mo at ginamit pa ang affiliate link ID mo,expect mo na may komisyon ka.

Saan tayo pwedeng mag-apply as affiliate?

Eto ang ilan sa mga international at local companies na available ang pagiging affiliate. Kailangan mong magregister at antayin ang confirmation ng iyong applicatuion bilang affiliate. I check mo lang lage ang ginamit mong email address kung saan sila magsesend ng notification kung approved or denied ang iyong request.

• Lazada Philippines
• Zallora Philippines
• Clickbank
• involveasia.com

 Ang pagblog at pagiging affiliatemarketer ang aking tinututukan sa ngayon. Sa ganitong paraan kasi ay mas madali kong magagampanan ang kailangan kong gawin. Madali ring mag focus kung ka-kaunti lang muna ang saklaw ng gusto kong pag-aralan. Isa pa ay interconnected ang dalawang ito. Pero kung sa tingin nyo ay hindi kayo effective na maging blogger or affiliate marketer ay pwede kayong magtry ng iba. Maliban sa dalawang nabanggit ay marami pang paraan para kumita ng pera online. Narito ang ilan na aking niresearch na may basic explanation para lang malaman natin ang general idea or concept kung ano ba ito.

3. Pagsali sa mga PTC sites. Ito ang pinakamadaling paraan para kumita ng pera online. Ang gagawin mo lang dito ay literal na magclick ng mga advertisements o patalastas ng iba't ibang online companies. Kahit mga bata ay pwede itong gawin basta alam na nilang gumamit ng computer.

• Ang  pag join sa mga PTC websites ay libre. Kailangan mo lang gawin ay;
• Sumali sa mga legitimate na PTC sites.
• Mag log in sa iyong account araw araw.
• Iclick at panoorin and mga available ads sa account mo. 

Mostly na mga PTC ads ay tumatagal ng 1 to 5 mins at iba't-iba rin ang presyo ng bayad  per click and view.
Libo-libong mga PTC sites and nagkalat sa internet at karamihan sa mga ito ay scam na bigla na lang nageevaporate at nagopapalit ng website o kaya naman ay hindi nagbabayad sa kanilang mga members.Ganunpaman may mga kumita pa rin dito ng thousands of dollars  pero ito yung mga taong matagal nang sumali at matagal nang pinag aaralan ang larangan ito. Alam na nila ang paikot-ikot at strategy para mamultiply ang kanilang pera.
Kung gusto mo ring kumitang gaya nila, kailangan mo ng tibay ng loob, determinasyon, focus, sakripisyo, at dedikasyon para dito. Eto ang ilang legitimate PTC sites:

• Clixsense
• Neobux

4. Pagsali sa Fivver. Ang fivver ay isang international website kung saan ka pwedeng magbenta ng mga bagay at serbisyo sa halagang $5. Ang salitang fivver ay kinuha sa number 5 na siyang kalimitang presyo ng mga products r services na matatagpuan sa website na ito. Ano bang kakayahan mo na maaari mong ipagpalit sa US $5? Marunong ka bang sa computer programming, web design and developing? May talento ka ba sa pagsusulat at paggawa ng kwento o bihasa sa pagdrawing? Or marami ka bang friends sa Facebook at marami ka bang follower sa Twitter? Kung sa tingin mo ay nasa sayo ang mga katangiang ito  ay pwede mo itong ipost sa fivver para kumita ng pera. Sa halagang $5 kada trabahong kaya mong tapusin, sa tingin koy malaki na ring halaga ang $5 kung i-convert sa Philippine pesos. Kung interesado ka dito ay i-klik mo lang dito para makagawa ng account with Fivver at makapag umpisang kumita.

5. Online Coaching and Tutorial. Magaling ka ba sa English? Kung confidence ka na kaya mong magturo online ay huwag ka nang mag- atubiling mag apply. Malaking halagang pera ang pwedeng kitain sa pagiging tutor online. Mostly na magiging estudyante mo dito ay mga Koreano at Chinese kung English language at grammar ang napili mong ituro. Pwede kang gumamit ng Skype para makameet mo face to face ang iyong student kahit nasa malayo. Kung isa ka namang physical therapist at may nalalaman sa mga Physical at mental exercises ay pwede mo rin itong ituro. Kung magaling ka naman sa parenting,pagluluto,pagtatanim or sa mga financial matters at pagpapalago ng pera ay pwede ka  ring magbukas ng online class gamit ang webinar. Para mas madali kang maka engganyo ng magiging regular student mo ay mas maganda siguro kung magbigay ka ng bonus, tulad ng promotional na libre ang first month of training or mga raffle draw na kung sino ang sasali ay pwedeng manalo ng mga prizes.
Kung gusto mong magturo ng English online pwede kang mag apply sa

• 51 talk

6. Pagiging You Tuber. Maniwala ka man o hindi pero totoong may naging milyonaryo dahil sa pagiging sikat sa youtube. Kilala si Pew De Pie bilang Youtube biggest earner sa taong 2016. Sa pamamagitan din ng mga advertisement ka maaring kumita ng pera dito. Kung nagiging trending ang video na pinost mo on you tube ay marami ang mag kakainterest na mag lagay ng paid ads dito. Ang kailangan mo lang gawin ay gumawa ng you tube channel. Mag apply ka sa youtube bilang partner or creator at imonetize ang iyong mga videos.Dapat ka ring gumawa ng google adsense account mo dahil dito mapupunta ang perang ibabayad sayo. Ang importante sa pagiging youtuber ay dapat original at laging nakakaagaw pansin ang bawat video na pinopost mo para lagi itong babalik balikan ng mga tao. Dagdag puntos rin ito para dumami ang magsubscibe sa youtube channel mo na siya ring may impact para tumaas ang rangko ng channel mo sa mga search engines.

7. Pagsali sa mga paid surveys. Ang online paid surveys ay isang halimbawa ng GPT. Sa isang business company, bago nito ilaunch ang isang bagong project o product,ay kailangan munang magsurvey o kumuha ng mga datos galing sa kanyang mga prospect, at tayong mga konsumers yon. Ito ay kasali sa business plan na isinasagawa ng isang company para maging successful ang kanilang product or project.Napaglaanan na rin nila ito ng budget at handa silang magbayad sa mga gustong sumali bilang first na gagamit ng kanilang product. Parang trial and error ang mangyayari dito para kung sakaling may dapat na iimprove sa kanilang product ay gagawin nila. At ikaw nga ang sasali sa mga survey na ito.
May mga katanungan kang sasagutin ayon sa iyong idea kung maganda ba  o hindi ang bagong produkto o hindi. Bago sumali dito ay dapat mo munang kilatisin ang isang survey offer kung real or scam. Pwede kang magresearch about reviews ng isang survey site na nago offer ng ganitong opportunity para magkarron ng idea kung safe or hinde. Basahin ang mga comments and reviews ng ibang users at dito mo iba base kung pwede kang kumita o hinde. Iwasan din ang pagsali sa mga surveys na kailangan mo munang magbayad ng membership fees dahil karamihan sa mga ito ay third companies or scam lang.
Sa isang legitimate na survey offer ay mas madami at mitikuloso ang mga katanungang nakapaloob dito. Mas matagal din ang gugugulin mong oras sa pagsagot ng mga survey questions kaya dapat mo pa ring balansehin kung sapat ba ang makukuha mong pera vs sa time na ibibigay mo dito.

8. Maging Virtual Assistant.  Ang trabaho ng virtual assistant ay nahahalintulad sa isang empleyado o secretary ng isang boss.Mostly na gawain dito ay office tasks. All around  ang trabahong ito at  kung ano ang utos ng employer  ay dapat na masunod. Para maging competetive at qualified sa pagiging Virtual Assistant ay dapat advance na ang kaalaman mo sa computer at marunong ka rin sa communication gamit ang English language. Karamihan ay nagsisimula pa lang or maliliit na kumpanya ang nag o-offer ng ganitong klase ng trabaho. Ang role ng Virtual Assistant ay parang extension ng boss mo dahil ipapagawa niya ang mga bagay na hindi niya maasikaso dahil sa dami ng kanyang gawain . Ang advantage dito ay marami kang matututunan na knowledge sa pagpapatakbo at pagpapalago ng isang business. Para ka na ring nag OJT na ang sinasahod ay mas mataas pa sa minimum wage dito sa Pinas.
Pwede kang mag apply sa Odesk kung interesado kang maging Virtual Assistant.

9. Pagsali sa Micro Jobs or Get to Paid (GPT) jobs. Hindi rin malaki ang pwedeng kitain sa pagsali sa mga micro jobs or get to paid jobs kada specific na task pero pwede na rin pag naipon at naconvert sa pesos. Ang gawain  dito ay iba't-ibang klase ng trabaho na pwedeng gawin online. Nahahalintulad din ito sa mga PTC sites pero ang kaibahan lang nito ay ang gagawing trabaho or assignment. Sa PTC site ay nagki click ka lang at nanonood ng mga paid advertisement samantalang dito sa GPT ay bibigyan ka ng specific instruction na dapat sundin. Ang halimbawa ng mga gawain dito ay pag likes sa mga videos, pagpost ng mga pictures, pagbisita at pagregister sa mga websites, paglalaro ng mga computer games at iba pa.Since maliit lang ang kita dito ay kailangan din ng talino, tiyaga at oras para  sa pagsali sa mga GPT at micro jobs.
Heto ang isang website kung saan ka pwedeng mag work online. I-click mo lang ang link at magregister.

Eto ang siyam na pamamaraan kung paano kikita ng pera gamit ang internet na hindi kailangang maglabas ng pera muna. Kung sakaling nasubukan mo na at maganda ang naging resulta ay saka ka na lang maginvest ng pera kung kinakailangan.

Ngayon since nandito ka na rin lang ituloy mo na rin ang pagbabasa dahil may mga iba pang paraan para kumita ng pera. Pero ang mga susunod ay nangangailangan ng investment so hindi ito libre kagaya ng mga nauna.

Karamihan sa ating mga pinoy ay hindi pa oriented tugkol dito o kaya naman ay laging busy sa araw araw na gawain, takot makipagsapalaran , biktima ng scam, o nasa kanyana ang katangiang "Manana Habit."

Ang pagkita ng pera online ay gaya rin ng normal na trabaho in the real world. Kailangan ng pagsisikap at paglaan ng sapat na oras sa isang trabaho o negosyo para itoy magbunga.May kasabihan na "If you love your job, It will love you back."

May mga online jobs na hindi na kailangan ng money invesment at mayroon ding kailangan mo munang magbayad bago ka makapagsimulang magtrabaho tulad na lang ng mga membership fees or registration fees. Nasa sa iyo na ang desisyon kung ano ang pipiliin mo. Kung may pera ka, why not makipagsapalaran. In fact lahat naman ng mga biggest business worlwide ay naginvest ng milyon-milyong pera which brought them to their place. Take note din po, just to set your expectation, hindi po mabilisan ang pagkita ng pera online gaya ng sinasabi ng iba. It takes time.Katulad din nito and pagkakaroon ng baby. Kahit buntisin mo ang sampung babae para agad magka-baby ay kailangan pa rin ng 9 months para lumabas ang perfect at malusog na baby. Ang ilan dito ay no need to invest your money but you need to invest your time.

Networking Online

Kung may karanasan ka na bilang netwworker ay alam mo na ito. Ang kagandahan naman ng networking online ay mas madali kaysa sa physical market. Mas malayong convenient dahil di mo na kailangang magdistribute ng mga fliers sa kalsada or sa palengke.Hindi mo na rin kailangang kulitin ang lahat ng taong mapadaan sa iyong kinaroroonan. Yung tipong magmamakaawa ka or magpapansin ka para lang makuha ang kanilang atensyon.

Ang lahat ng interesado sa offer mo ang siyang magsesend sayo ng message throuch email or facebook.

Through electronic or bank to bank transfer na rin ang bayaran ng pera kaya mas safe at mas mabilis.

Ano bang ang networking?

                

Networking is a socioeconomic business relationship and to recognize, create,or act upon business opportunities, share information and seek potential partners for ventures--Wikipidia

So ibig sabihin ang networking ay ang pagbuo ng isang negosyo na ang iisang layunin ay kumita ng pera. Hindi naman kailangang negosyante lahat ang members nito dahil open ito sa lahat. Isa itong sistema na matagal ng ginagamit ng mga tao, aware man sila o hinde. Naihahalintulad ito sa isang pyramid na shape at may isang pinakahead or pinakamataas na ulo, at habang pababa ay parami ng parami ang members.

Malawak ang saklaw ng networking. May networking para sa negosyo, posisyon sa gobyerno at sa relihiyon.

Sa negosyo, ito yung kikita ka ng pera sa bawat taong maakay mo para mag join sa company kung saan isa kang member.At dapat 100% na nagjoin yung tao bilang member na nagbayad ng membership fee at  active din sa pagnetworking . 

Forex Trading

Ang Forex or (Foreign Exchange) trading ay ang palitan ng iba't- ibang currency ng mga bansa.Ang revenue dito at nakadepende sa daloy ng ekonomiya ng bawat bansa kung ito ay mas maunlad o mas mahirap kumpara sa ibang bansa.kung mas develop ang economy ng isang bansa kumpara sa iba pa, mas mataas ang halaga ng kanyang pera.

Paano ba kikita dito?

Halimbawa, and US Dollar vs Philippine peso. Dito sa atin maraming investor ang bumibili ng dolyar sa mga taong may dalang US dollars. Sabihin nating eto yung may mga kamag-anak ng nasa US na napadalhan ng dollar or eto mismo yung mga nag abroad ba na nagbakasyon lang. Bibilhin or papalitan ng negosyante ang isang 1 Dollar bill ng sabihin na nating P40.00. Tapos itong si negosyante ay iistakin ang kanyang naipong dollars hangang sa dumating ang panahon na bagsak ang ekonomiya ng Pilipinas at sa panahong iyon ay tataas ang halaga ng US Dollar vs Philippine Peso. Sabihin nating sa panahong iyon ay naging 1 US Dollar = P50.00. E di nagkaroon siya ng sampung pisong tubo kada US dollar.Tapos multiply mo yun kung ilang US Dollar ang naipon niya. Ganito rin ang konsepto ng Forex Trading online.

Ang online Forex Trading lang kasi ay parang sugal na may talo at panalo.Kung namis estimate mo kung alin sa dalawang currency ang tataas or bababa,siyempre mawawalan ka ng pera.Kaya kailangan ng tamang pag aaral at pananaliksik bago pasukin ang ganitong klase ng negosyo.

Marami na rin ang kumita sa Forex trading online lalo na yung may experience at matagal nang pinag aralan ang sistema nito. Idagdag pa natin na mayroon silang malaking capital para in case na matalo man ay pwede pa rin silang bumawi.

Para mas malaki naman ang tsansang manalo dito ay mainam na manghire ng isang broker na expert na pagdating sa pag aaral sa daloy ng market economy exchange ng mga bansa.Kabisado nila ang sintomas ng pagtaas at pagbaba ng ekonomiya ng mga bansa at mabibigyan ka nila ng magandang payo kung saan mo ilalagay ang investment mo.

Buy and Sell online. Mayron ka bang mga lumang gamit na hindi mo na kailangan na pwede pang gamitin ng ibang tao? Mga second hand na sapatos or mga damit at bag. Mga lumang barya at mga antigong kagamitan na mataas ang presyo sa kasalukuyan. Bakit di mo ito picturan, lagyan ng description at i-post online para ibenta. Malay mo kung may magkainterest at bilhin ito. Wala namang mawawala kung itry mo to.
Kung sakaling nasa ibang lugar ang gustong kumuha nito ay pwede mo pa rin itong ipadala through LBC and the like na mga delivery express companies. Saka mo na lang idagdag ang delivery fee sa price ng item. May mga higanteng ecommerce kung saan mas maraming nakakaalam at mas marami ang possible buyers. Kaso lang hindi 100% free ang kanilang mga serbisyo. Kaya the best pa rin na sa Facebook mo ipost ang mga bagay na gusto mong ibenta dahil totaly free ang paggamit nito. Lubus lubusin na natin ang paggamit nito habang libre pa. Malay natin baka bukas or next year bigla na lang may bayad na.

Buy and Sell ng Domain

Pwede ka ring kumita sa ganitong paraan. Ang konsept nito ay para kang bibili gagawa ng isang produkto at ibebenta sa ibang tao. Ang domain name ay pangalan ng isang website na siyang tinatype ng mga tao kung nagsu-surf online. Halimbawa nito at www.facebook.com or www.youtube.com.

Ang una mong gawin ay mag isip ng maganda domain name na sa tingin mo ay magiging mabenta sa mga taong gustong magpatayo ng kanilang sariling website. Importante ang domain name ng isang website dahil ito ang pinakafront or mukha ng isang site.Paano ka naman makakapili ng isang domain name na pwedeng ibenta. Umpisahan mo muna sa iyong local area. Ano ba yung mga naglalakihang business sa inyo?  Itry mong isearch sa goole kung mayroon na silang sariling website gamit ang pangalan ng kanilang negosyo. kung sakaling wala pa, pwede kang bumili ng domain name gamit ang pangalan ng kanilang business. Unahan mo na at pag dating ng araw na makapag isip silang gumawa ng sarili nilang website hindi na available dahil nabili mo na. Ngayon, pwede mo itong ibenta sa mas mataas na halaga kaysa sa nagastos mo at pag nakita nila na for sale ang domain name na ito, pwede nilang bilhin sayo. Basta huwag lang pangalan ng ibang tao ang gagamitin mong domain name para ibenta dahil hindi pwede yun.

Buy and Sell ng Website.

Pareho ang concepto ng pagbili at pagbenta ng domain name. Mas malawak lang ang saklaw ng website at mas maraming trabaho ang dapat mong gawin bago mo pwedeng i for sale ang iyong website. Kailangan mo muna itong pagandahin, bigyan ng pangalan, pasikatin at antaying lumaki bago mo tuluyang ibenta. Katulad ito sa pagpapagawa ng bahay sa binili mong lupa. Dapat kumpleto ang pagkadisenyo at pagkapintura ng isang bahay para maging kaakit-akit sa mga prospect buyers. Walang business man ang handang maglustay ng pera sa isang business na walang future kaya dapat may quality at mataas ang traffic ng website na binebenta mo. Para maximize ang profit mo sa isang website e mas maganda siguro kung antayin mo munang mag-generate ito ng pera para sayo atleast within 6 months to  a year.

Ito ay ilan lang sa napakaraming paraan para kumita ng pera online. 

Sana ay makatulong ang mga ideyang ito para kumita tayo ng pera. Hindi man priority source of income pero pandagdag din para sa ating pang araw-araw na pangangailangan. Kung may komento or dagdag kaalaman po kayong wala sa mga nabanggit, pwede niyo pong ishare sa pamamagitan ng pagkomento sa baba. Maraming salamat po sa pagbabasa.